Tik! Tak! Tik! Tak! Tik! Tak! Kaybilis talaga ng oras...
Hindi ko maipaliwanag ang nararamdaman ko. Natutuwa ba ako? Nae-excite ba ako? Natatakot? Kinakabahan? Maiihi... Ma...(alam mo na yun).
Magkaroon kaya akong muli ng pagkakataong maramdaman ang dampi ng kanyang katawan? Madungisan ko na naman kaya ang kanyang makinis na balat? Nasasabik na akong maglakbay at lumikha ng kasaysayan sa kanyang buhay.
Sana naman, kung sino ang nakatakdang magdikta ng aking direksyon, gawing makabuluhan ang bawat oras...gawing mabunga ang bawat sandali...gawing matayog ang bawat pangarap...gawing malalim ang bawat kaisipan...mabigyang-buhay bawat buntonghininga. Nang sa gayon, walang masayang na oras... para kahit paano, hindi ako manatiling palamuti lang... na tila ba suntok sa buwan na mabigyang-saysay ang buhay ko dito.
ang lalim ah!
TumugonBurahin