JOKER  Jovelyn Perciana Lagi.. Patawa ka ng patawa Magpasaya ang hangad Ang mga ngiti sa mata nya Di natin alam Kabaliktaran nito Ang masalimuot na buhay Na gustong baguhin Upang makalimutan Dinadalang problema Sa pagpapatawa Nahuhugot ang lakas Dahil may bukas pa.

“May Pag-asa Ba?”

By: Jovelyn Perciana

Ang dukhang hampas lupa

Ay ‘sang kahig ‘sang tuka

Minsa’y nangungulila

Sa ama at sa ina.

Banat ang buto araw-araw

Na para bang isang kalabaw

Kahit na ang ulam ay sabaw

Di makapagsalitang “ayaw”.

Di maiwasan na

Malulong sa droga

Pati na binata

At mga dalaga.

Mga mata nila’y nangingitim

Nakakapit na rin sa patalim

Pati sa droga nakatikim

Ngayo’y nagsisi ng mataimtim.

Kaya ang ibang kabataan

Nakaranas ng kaguluhan

Ngayo’y nagdarasal na lamang

Sa ating mahal na may lalang.

BANSA NG KAHIRAPAN

BY :MOSES ALCANTARA

Maraming nangungulila

Ngayong kay hirap ng bansa

Buhay ng mga pamilya

Isang kahig isang tuka.

Naglaganap mga krimen

Nagnanakaw ng pagkain

Sa mga mall at tindahan

Ito’y dahil sa kahirapan.

Kaawaan natin sila

Mga bata at dukha

Normal na tao din sila

Wag mawalan ng pag-asa.

“SHARE YOUR BLESSINGS”

BY: ANN JOY ABELLA

Ang tamis ng pakiramdam

Nang pangrap ay makamtan

Maitim na karanasan

Ito’y ating nalagpasan.

Mata’y kumikinang-kinang

Mga pera’y di mabilang

Nakalatag sa harapan

Mabuhanging kayamanan.

Dukhang ngangailangan

Ay ating pamagihan

Gamit mga kayamanan

Para sa kinabukasan.

KAHIRAPAN

BY:ERIKA F. RAYMUNDO

Isang kahig ,isang tuka

Kanyang pagod ay nanalantana

Ang pamilya ay umasa

Sunud-sunuran sa kanya

Nagbubungkal ng basura

Upang sya’y kumita

Makakain ng sagana

Kahit galling sa basura

Ang kahinaan ay hamon ng buhay

Upang silay mamuhay ng matiwasay

Nagtratrabaho ng matagal upang mabuhay

Pamilya ang inspirasyon upang mabuhay

KAHIRAPAN KAHIT SAAN

By:Lorenza D. Leviste

Pera’y hirap kitain

Pambili ng pagkain

Pagbabanat ng buto

Kaylangang maranas mo.

Aking nasisilayan

Maraming kahirapan

Dito sa kabayanan

Maging sa kabukiran.

Tao’y walang awa

Kung makita ay dukha

Di nila iniinda

Hirap na dala-dala.

Kahirapan ng bayan

Di natin maiwanan

Iba’y ginagamitan

Ng sobrang kasamaan.

Laging pinabayaan

Labis na kahirapan

Hindi masulusyunan

Ating pamahalaan.

KAPALARAN

By:Aizell M. Castillo

Nagdildil ng asin

Salat sa makakain

‘ sang kahig, isang tuka

Pamumuhay ng dukha.

Sikmura’y humihiyaw

Lalamunan ay uhaw

Kumakalam ang tiyan

Dahil sa kahirapan.

Sa biyaya ay salat

Ang katawan ay patpat

Pagkain at tulugan

Pangunahing kailangan.

Lupit ng kapalaran

Kanilang namulatan

Kahirapa’y tuldukan

Tiyaga’t sipag Kaylangan.